Ang adlaw nga gikahinaman nagkaduol na,
Petsa 13 sa bulan sa Mayo niining tuiga,
Nga ang matag usa subling mohikap sa Balota,
Aron linginan ang Pangalan sa kandidato nga napilian ta.
Kini ang adlaw nga kita monaog sa hagdanan,
Aron ipasibaw ang tingog sa atong Kagawasan,
Ug mohukom sa mga tawong nanagan
Nga pulos nanaad sa kaayuhan sa tanan.
Dili nato ikalimud nga daghang klase sa pagpangdaot,
Mga supporters sa matag kampo pulos naningkamot,
Nga ang ilang gilabanan sa katilingban mohumot,
Mga kaayuhang nahimo, ipasigarbo ug ipasabot.
Kasagaran nga magbikil mga silingan,
Kay lain-laing lage ang personahe nga gilabanan,
Apan maoy angay natong isil-sil sa alimpatakan,
Nga ang eleksyon lumalabay lamang.
Mga plataporma del gobyerno atong mabati,
Sa radio, telebisyon ug facebook pa gani
Suliran sulbaron ug ipatagamtam ang hapsay nga kinabuhi,
Ug dili gayod mangawkaw og salapi.
Akong yanong tambag sa mga botante,
Pag-ampo sa Diyos , maoy maayong deskarte
Ang pangalan sa balota ayaw dali-dali bolete,
Ang Diyos mogiya nimo, maoy tuguti
Daw sum-od nga tambag atong balikon,
Sa salapi ayaw gayon paulipon,
Kay magmahay ka sa umaabot nga Panahon,
Tungod imong gibaligya kaugmaon sa sunod nga henerasyon.
