Matapos ang anum ka adlaw, tatlo ka mga ‘balangay’ nga gikan pa sa Sulu ang nag-abot kahapon sa Bredco Port, Bacolod City sang ini ang nagpanglatas sa baybayon delikado sang Zamboanga, Sulu kag Basilan.
Ini ang ginpangunahan ni Department of Environment and Natural Resources Undersecretary Art Valdez upod ang Philippine Everest team lakip man mga katapo sang operations group sang Philippine Coastguard kag Philippine Navy.
Halin sa Bacolod natalana sila nga magapadulong sa Metro Manila sa Mayo 19 kag umpisahan na ang 1,000 kilometer journey sa South China Sea sa Mayo 30. Ini sila ang magadungka sa Dezhou City, China bilang pagdumdom sa exploration sadto sang Sultan sang Sulu nga si Paduka Batara, 600 anyos na ang nakalipas sang Ming Dynasty.
Ang replica sang ‘balangay’ ang himo sa kahoy nga ‘dungon’ nga amu man ang kahoy nga gingamit sang 320 A.D. Ginhingadlan ini nga ‘Sama Tawi-tawi’, ‘Sultan Sin Sulu’ kag ‘Lahing Maharlika’.
Para kay Valdez, gusto nila ipakita nga ang mga Pinoy antis pa man ang kolonisasyon, mga mananagat na kag kalabanan sa mga dunang manggad sang Pilipinas ang halin sa kadagatan.
