TACLOBAN CITY – Diskarte na han Local Government Unit (LGU) han Balangiga kun papa-unanhon nira ima-market an ira bungto, ini in sumala han Malacanang.
Tungod han pagdamo han mga turista ngan deboto nga bumisita ha Balangiga, Eastern Samar ha pag-abot han makasaysayan nga Balangiga Bells.
Pero diri papabay-an an lgu han Department Of Tourism (DOT).
Sumala kan DOT Regional Director Karen Tiopes, may plano na an LGU ngan DOT nga mas pahaluagon an parke kun diin nahihimutang an memorial han balangiga incident.
“We hope to continuously work with Local Government of Balangiga kay ini mismo nga gintutungtungan ta yana nga gymnasium amun na ini gin-iinaro nga mabalhin para makita ha kalsada an memorial kay natatahuban man hini nga gym.”
Nangangaro hin bulig an DOT ha Department of Public Works and Highways (DPWH) para matikangan an aksyon ha pagpahaluag han parke.
Aminado naman an dot nga waray pa mga hotels nga akos mag accommodate ha mga bisita pero mayada mga homestay kun diin pwede umukoy pansamantala an mga turista.
Diri naman papabay-an han DOT an LGU Balangiga ngan an probinsya, padayon hira nga maayuda para andaman an pagdamo han mga mabisita nga turista ha Eastern Samar.
