Muling nagpatupad ng rigodon ang Philippine National Police (PNP) sa apat nitong matataas na opisyal.
Sa unit reassignment na pirmado ni Police Major General Robert Rodriguez, hepe ng Directorate for Personnel and Records Management, epektibo ang balasahan ngayong araw October 17, 2023.
Mula sa PNP Retirement and Benefits Administration Service, nilipat si PBGen. Niño David Licos Rabaya bilang acting Deputy Director for Comptrollership.
Inalis naman bilang hepe ng Manila Police District (MPD) si PBGen. Andre Dizon at itinalaga siya bilang acting Director ng PNP Retirement and Benefits Administration Service.
Samantala, si PCol. Arnold Ibay na mula sa Office of the Chief PNP ay itinalagang hepe ng MPD.
Si Police Col. Danilo Alamban Bacas na galing sa Directorate for Communications and Technology Management ay ginawang acting Deputy Regional Director for Administration ng Police Regional 10.
