Cuartero, Capiz – Pormal na nga ginbuksan kahapon nga adlaw ang Balay Capisnon: Institute of Living Traditions nga nahamtang sa Capiz Ecology Park and Cultural Village sa Brgy Nagba banwa sang Cuartero.
Ini ang magaserbe nga cultural education learning facility para sa mga Capizeño kag mangin dalan para nga ma-promote kag mapreserbar ang Capisnon cultural heritage.
Sa sa nasambitan nga aktibidad, yara ang mga opisyal sang gobyerno sang probinsya sa pagpanguna ni Gov. Esteban Evan B. Contreras, Vice Gov. James Magbanua, Board Members Thea Faith Reyes kag Weldie Apolinario.
Yara man ang presidente sang League of Municipalities sang probinsya sang Antique nga si Mayor Mary Jean Te sang Libertad, Antique.
Samtang nagtambong man si Ms. Shirley Halili-Cruz nga amo ang chairman sang NCCA National Committee on Dance.
Ang opening sang Balay Capisnon ang ginsaksihan man ni DepEd Capiz division Dr. Roel Bermejo, Dr. Marvic Solano-Martirez sang DepEd Roxas City Division, municipal officials, tourism officers, cultural workers, artists, teachers, NGOs, travel and tour operators kag iban pa.
photo(c)- Capiz Tourism and Cultural Affairs
