Davao City – Apil nga gi-isyuhan og citation ticket sa Sta. Ana Police Station, ang balay nga gihimong imnanan ang dos andanas nga giila sa mga customer nga “Villamor” kay walay permit nga nahimutang sa Bo. Obrero, Davao City tungod sa kalapasan sa Liquor Ban Ordinance kagahapon alas 3:00 sa kadlawon Hulyo 10, 2023.
Sa interbyu sa DXDC RMN Davao kang Police Captain Rizalito Clapiz III gibutyag niya, 63 ka individual ang nadakpan tungod sa paglapas sa liquor ban ug nibayad sa multa nga tag-P3,000 pesos ang matag usa ug sagad sa mga nadakpan mga call center agent.
Gipasabot sa opisyal, ang mga dinakpan nakalapas sa Davao City City Ordinance 004-13 Series of 2013.
Una niini gibutyag sa tag-iya nga dili imnanan ang maong gambalay ug adunay birthday party niadtong higayonan, apan sa wala pa gihimo ang operasyon, aduna nay mga pulis nga nagpakaaron ingnong customer nga nipalit ug usa ka bucket sa beer sa kantidad nga P600 nga miresulta sa pagkasikop sa mga malapason.
RadyoMaN Don Pulayao
Facebook Comments
