BACOLOD CITY – Isa ka balay ang nasunog pasado alas 4:45 kaina sang kaagahon sa 1st Road Alunan Extension, Barangay 35.
Ang nasambit nga puloy-an ang ginapanag-iyahan ni Cyrus Soboso, 40 anyos.
Suno sa panaysayon sang biktima nga kaina sang kaagahon naglantaw sila sang TV sa sala sa daan nga balay nga ginapanag-iyahan sang iya mga ginikakan.
Pagkatapos lantaw nagbalik sila sa balay nga ila ginatulogan apang natingala sila, may nagapanimaho nga daw sunog gani ila ini ginpangita.
Didto kag nakibot sila nga nagaaso na ang foam sa balay.
Kalakip sa nagkalasunong ang ila nga TV, sofa, mga libro sa sala kag kwarta.
Posibli nagshort nga linya sang kuryente ukon nag-overheat nga appliances ang ginalantaw nga rason sang sunog. | File photo
Facebook Comments
