Davao City – Damyos ang usa ka balay human nasunog alas 2:20 sa hapon sa North San Juan Brgy. Centro Agdao, siyudad sa Davao.
Base sa report sa Sta. Ana Police Station, nagsugod ang kalayo sa balay nga gipanag-iyahan ni Ruben Cano gikan sa ikaduhang andana partikular sa kuwarto nga giabangan ni Glenda Ransulat.
Gikan sa likod sa maong balay ug paspas nga mikanit ang kalayo nga resulta pagka-ugdaw.
Gideklarang fire-out ang kalayo alas 2:40 sa hapon ug walay namatay o nasamdan.
Giimbestigahan pa sa Bureau of Fire Protection (BFP-XI) kon unsay hinungdan ug pila ang nahimong damyos sa maong insidente.
RadyoMaN Don Pulayao
Facebook Comments
