Sa interview sa DXDC RMN Davao kang Romulo Birondo, Local Disaster Risk Reduction and Management (LDRRM) Officer III sa LGU Sta. Cruz, iyang giila ang biktima nga si Estrilita Eting, 63 anyos.
Saysay ni Birodo ang kahumok sa yuta ang rason sa pagkatumba sa punoan sa lubi, diin niadtong tungora anaa sulod sa balay ang biktima uban ang iyang inahan ug mga pag-umangkon apan sila nalikay sa aksidente. Gidala pa sa Davao del Sur Provincial Hospital ang biktima apan gideklara na kining dead on arrival.
“Due to humok nga yuta tungod sa sige’g ulan, (although) walay hangin atong tungora, diretso gyud sya tumba. Pero prior ato nga adlaw, naka-experience sila’g kusog nga hangin ug hinay nga ulan,” saysay ni Birondo.
Matud sa LDRRMO official, financial assistance ug lain pang ayuda ang itunol sa apektadong pamilya gikan sa lokal nga panggamhanan.
Pahimangno sa otoridad sa mga residente ilabi na kadtong napalibotan og dagkong kahoy nga mag-igmat tungod sa peligro nga kini mitumba ilabi na panahon sa kusog nga hangin ug ulan.
RadyoMaN Kirby Manzon
