Davao City – Electrical short ciruit ang hinungdan sa pagkasunog sa duha ka andana nga balay ganinang alas 6:00 sa buntag didto sa Purok 9 Brgy. 76-A Bucana syudad sa Davao.
Subay sa imbestigasyon nga gilusad sa Bureau of Fire of Protection ang maong balay gipanag-iyahan ni Mrs.Cyntia Dumanhug.
Sa report gikan sa San Pedro PNP, sumala pa nga ang silingan niini nga si Mirriam Manginsay maoy nakakita ug nakadiskobre sa nag-spark nga electrical wire sa 2nd floor sa maong gambalay ug paspas nga mikanit ang kalayo resulta sa pagkasunog sa naasoyng balay diin ginama kini sa concrete ug lights materials.
Gawas niini, nasunog usab og apil ang duha ka balay nga gipanag-iyahan ni Mrs.Marilyn Manginsay ug Hellen Hachisu.
Alas 7:15 sa buntag gideklara sa BFP nga fire-out na ang maong sunog hinuon walay casualty kon nasamdan.
Sa karon dili pa mabutyag sa BFP kun pila ang damyos sa maong sunog.
RadyoMan Don Pulayao
