Dungan nga gilusob sa Philippine Drug Enforcement Agency o PDEA 10 ang duha ka balay sa mga anak ni Misamis Oriental Provincial Jail Warden Dominador Tagarda.
Gihimo ang operasyon pasado alas singko kaganihang buntag sa Barangay Carmen ning syudad sa Cagayan de Oro.
Ang mga suspects nailang sila Gregor Tagarda, 35 anyos, ug ang manghud niining si Bonclinton Tagarda.
Nakuha gikan sa operasyon ang druga nga gibana-banang mobalor sa 170-mil pesos.
Giangkon ni Gregor Tagarda nga gagamit siya og druga kauban ang iyang manghud ug nasayod niini ang iyang amahan.
Sa interview usab sa dxCC-RMN kang Jail Warden Tagarda nga nasayran niya ang bisyo sa iyang anak niadto pang 2017 pero gibutyag niini nga wala siya nagkulang sa paghatag og tambag sa iyang mga anak.
