South Cotabato – ginaandam na ang pangpasang-at ug kaso batok kang barangay Upper Sipaka, Surallah kapitan Pudi Undasan Ambalgan, human kining nasikop sa tropa sa Regional Police Drug Enforcement Unit -12 alas-2:00 sa kabuntagon kagahapong adlawa atol sa gihimong ronsa sa ilang panimalay.
Gibutyag ni Police Chief Inspector Jardi Mont Sibal, chief of police sa Surallah Municipal Police Station nga kasong kalapasan sa R.A 10591 ang ipasang-at batok kang Ambalgan human kining nakuhaan ug 2 ka unit sa .45 nga pistol, magazine sa cal. 45, 1 ka carbine riffle ug 11 ka buhing bala.
Nasayran nga lima ka mga search warrant sa armas ug droga ang bitbit sa kapulisan dihang ilang gisulod ang balay sa kapitan.
Sa karon nagpabiling balhog sa silda sa Surallah Municipal Police Station ang nasangpit nga suspek.
