General Santos City–Ugdaw ang panimalay sa usa ka negusyante nga nahimutang sa may Rosario Vill., Barangay Lagao Gensan human nga masunog alas 2:30 ang takna kaganinang kabuntagon.
Nanag-iya sa maong balay mao si Michael Taid, 35, negusyante ug residenti sa nasampit nga lugar.
Subay sa inisyal nga imbistigasyon sa Bureau of Fire Protection Gensan nasuta nga namatikdan nalang sa tagbalay nga nag-aso na ang ilang kisame.
Pila ka minutos ang nakalabay, nidako na ang kalayo maong nanggawas nalang sila sa ilang balay.
Gilayon man nga mirespondi ang mga bomber apan pag abot sa lugar, dako na kaayo ang kalayo.
Alas 3:25 dihang mideklara ug fire out ang mga bombero. Sa karon wala pa masayran unsay hinungdan sa sunog ug kung pila ang damyos niini sangpit padayon pa ang gihimong imbistigasyon sa BFP kalabutan sa maong insidenti.
