General Santos City—gironda sa operatiba sa Glan Municipal Police Station ang panimalay sa usa ka retiradong magtutudlo sa may barangay Poblacion, Glan, Sarangani Province niadtong nakalabayng adlaw gumikan sa iligal nga sugal partikular na ang last two.
Giila ni Police Inspector Danny Abayata, Deputy Chief Of Police sa Glan Municipal Police Station ang retired teacher nga si Lilia Arocha, legal age, residenti sa maong barangay.
Sumala ni PI Abayata nga una na silang nakadawat ug impormasyon nga matud pa lambigit sa iligal nga sugal nga last two ang nahisgutan. Tungod niini gihimo gilayon ang search operation human nagpagawas ug kamanduan si Hon. Judge Oscar Noel Jr. sa RTC-Branch 35.
Narekober gikan sa maong panimalay ang mukabat sa 33 ka mga booklets sa last two ug uban pang illegal gambling paraphernalia. Wala usay narekober nga kwarta ang otoridad human gideklara sa retiradong magtutudlo nga ang kwarta nga anaa sa ilang posisyon kita matud pa kini sa ilang tindahan.
Kasong paglapas sa RA 9287 ang maong magtudtudlo apan posibling makagawas higayon nga makapyansa ug kantidad P25,000.00.
