Davao City – Gilungkab ang usa ka panimalay sa usa ka security officer sa wala mailhing suspect natigayon alas 5:30 sa hapon nahitabo didto sa Purok 7 San Pedro extension Brgy. 39-D Bucana siyudad sa Davao.
Subay sa blotter sa San Pedro Pedro PNP, personal nipatim-aw ang naasoy nga security officer nga nailang si Marlon Ubales, 38 anyos, minyo, residente sa nasampit nga lugar.
Matud pa sa dihang niabot si Ubales sa iyang pinuy-anan, iya nalamang nadiskubrehan ang purtahan sa iyang balay nga abli na niadtong tungora ug nahanaw na iyang personal nga butang sama sa black sling bag nga dunay sulod nga IDs sa SSS ug Philhealth lakip ang cash nga 500.00 pesos.
Human sa maong panghitabo, igo nalamang sa pagpablotter si Ubales sa San Pedro PNP aron usab niya pahimuan og imbestigasyon.
RadyoMaN Don Pulayao
