Negatibo ang nangin resulta sang search operation sang kapulisan sa balay ni Frank George Sanson ukon mas kilala nga Jojo Sanson subong lang nga aga.
Si Sanson residente sang Barangay Aspera, Sara kag temporaryo nga nagapuyo sa Estancia kag isa sa mga ginakilala nga nagahupot sang goons sa banwa sang Sara kag Estancia.
Suno kay Police Chief Inspector Charlie Sustento sang Provincial Special Operations Group kag hepe sang Ajuy PNP, wala sang may narecover nga armas luthang sa balay ni Sanson kag wala naman ini sa ila balay apisar ara ang iya bata kag ang caretaker .
Apisar sini, ginpahayag ni Sustento nga magapadayon ang ila operation sa mando man ni Police Regional Office-6 Director Police Chief Superintendent Cesar Hawthorne Binag kag nagalaum siya nga magaserbe nga warning sa mga armed groups ang natabo nga search operation.
Ginapangabay ni Sustento ang mga goons sa quinto ditrito nga i-surrender na ang ila mga armas luthang kag indi na paghulaton nga i-operate sang kapulisan bangud basi madisgrasya pa ang mga ini.
(photo from web)
