Balay sang Negosyante sa Koronadal gin-raid sang PDEA 12 ginaaligar shabu kag armas narekober

71

Tatlo ka search warrant nga gin-issue ni Judge Alandrex Betoya sang RTC 12, Branch 16, Kabacan, North Cotabato ang gin-implementar sang Philippine Drug Enforcement Agency ukon PDEA Region 12 sa panimalay ni Alvin Kit Vallerio may legal nga edad, nagapanag-iya sang Quality Farm Supply sa Koronadal kag residente sang Balmores-Antipolo Street, Barangay GPS, Syudad sang Koronadal kaina sang kaagahon.
Sa interview sang RMN kay Kagwad Delos Santos sang Brgy GPS, narekober sa ginpatigayon nga operasyon ang tatlo ka jumbo pack nga ginasuspetsahan shabu nga may kabug-aton ginabulubanta sa 150 grams nga may kantidad malapit isa ka milyon pesos, armas kag mga bala.
Sa karon pagadal-on na sa custody sang PDEA 12 office ang negosyante sa syudad sang Heneral Santos para sa nagakaigo nga kaso.
Suno kay PDEA Director Gil Cesario Castro sa Region 12 makabig nga financier sa iligal na druga si Vallerio samtang may pipila pa ka negosyante sa Koronadal ang ila sini nga ginatutukan.




Facebook Comments