Moabot sa P500,000 nga cash ug alahas ang nakuha human gilungkab ang pinuy-anan sa usa ka pastor sa Deca Homes Barangay Tungkil lungsod sa Minglanilla.
Nidangop sa kapolisan ang pastor nga si Crisostomo Toyogon Taño ingon man ang asawa niini nga usa ka public school teacher nga si Jennifer tungod sa kadaku sa kuwarta nga nahanaw gikan kanila nga giingong mga koleksiyon.
Nagtoo ang magtiayon nga dihang nilakaw sila sa sayong buntag ug gabii nang nabalik sa ilang pinuy-anan gipahimuslan sa mga kawatan ang pagsaka sa ilang panimay .
Gawas sa kuwarta nakuha usab gikan kanila ang P10,000 nga balor sa mga alahas .
Duda sa magtiayon, nikatkat ang mga manglungkabay sa ilang likod ug giguba ang puthaw nga birha sa pagsud sa ilang panimay.
Facebook Comments
