Davao City – Gikumpirma ni Davao City Mayor Sara Duterte-Carpio sa balay ug mga opisina ang nag-unang lugar kung asa natala ang takod sa Coronavirus Disease 2019 (COVID-19) sa dakbayan sa Davao.
Gibutyag sa alkalde (sa interbyu sa city-owned radio) nga sa datos sa May 17, 2021, adunay 64 nga natalang transmission sa COVID-19, diin sa maong ihap 43 niini ang household transmission, samtang 21 ang outside transmission ug sa 21, trese niini ang naggikan sa workplaces sama sa call centers, eskwelahan, government offices ug pribadong opisina.
“Kung makita nato, it’s still balay and opisina ang daghan na mga clustering of cases,” segun sa alkalde.
Gitataw ni Mayor Sara, tungod kay wala na matuman ang pagsuot og face mask ug social distancing sulod sa balay. Samtang, posibleng pagtapok usab sa mga tao o trabahante labi na sa enclosed nga opisina o gambalay.
Padayong gipahinumdom sa publiko, ang pagtuman sa minimum public health standards aron magpabilin usab ang syudad sa General Community Quarantine (GCQ) status ug dili mabutang sa mas estriktong quarantine classification.
RadyoMaN Kirby Manzon
