Baligyaan sang RTW nga Nolacs Store sa banwa sang Mambusao, nasunog!

26

Mambusao, Capiz – Natigayon nga masunog ang Nolacs Store nga isa ka baligyaan sang RTWs nga nahamtang sa Poblacion Tabuc banwa sang Mambusao pasado alas 3 sang kaaganhon. Ang nasambitan nga establisemento-komersyal ang ginapanag-iyahan sang pamilya ni Norberto Lacson. Nakabaton na gid lamang sang panawag ang mga katapo sang Mambusao PNP kag Mambusao Fire Station nga nagakasunog ang nasambitan nga building kabangdanan nga madasig ini nga ginrespondehan. Natigayon nga masunog ang mga baligya nga RTWs kapareho sang mga sandals, sapatos, mga panapton kag iban pa nga baligya. Ginapatihan sang mga katapo sang BFP nga short circuit ang kabangdanan sang sunog. Indi pa matumod kun pila ang kabug-osan nga kahalitan nga gintuga sang amu nga kalayo samtang nagapadayon ang tul-id nga imbestigasyon sang mga otoridad.

Facebook Comments