Davao de Oro – Kapin 300 ka mga residente sa probinsya sa Davao de Oro ang hingpit ng nakabalik sa ilang mga lugar human na-stranded sa mga kasikbit nga probinsya human naabtan sa gipatumang Enchanced Community Quarantine (ECQ).
Ang mga benepisyaryo sa Balik DDe Oro Program gihatod sa lungsod sa Laak, Maco, Mabini, Pantukan, Mawab, Montevista Compostela, New bataan ug Maragusan diin nagsugod ang biyahe sa mga apektadong indibidwal niadtong May 18 hangtod May 21, 2020.
Kinahanglan magpakita og valid ID, Quarantine Certificate, Face Mask, ang mga benepisyaryo niini una pa tugotang makasakay sa Bus pauli sa ilang tagsa-tagsa ka mga lungsod apan ipailalom sa 14 days mandatory quarantine ang matag usa sa ilang Lungsod o Barangay aron masiguro nga luwas gikan sa COVID-19.
Sumala ni Davao de Oro Gov. Jayvee Tyron Uy nga mamahimong mubisita ang pamilya sa mga benepisyaryo apan kinahanglan sundon ang health protocol pinaagi sa pagsuot og Personal Protective Equipment (PPE) ug social distancing aron masiguro nga dili mataptan sa virus ang ilang pamilya.
RadyoMaN Jules Catisay
