‘Balik-Probinsya’ hugot gipaluyuhan

Davao City – Gipaluyohan karon sa kanhi pangulo sa hut-ong sa mga negosyante denhe sa syudad sa Davao ang gisugyot karon sa nasudnong gobyerno nga ‘Balik-Probinsiya’ rural resettlement and reintegration program.

Matud ni kanhi DCCCII President Tony Dela Cruz, maanindot ang laraw sa kagamhanan nga pabalikon og papaulion sa mga probinsiya ang mga nanimpalad ug nagpusisok og puyo sa mga kabisera ug dagkung kasyudaran.

Segun ni Dela Cruz, dugay na kini nga programa apan wala lamang napatuman maong suportado niya ang rekomendasyon ni Sen. Christopher Lawrence Go gitawag nga ‘Balik-Probinsiya’ Program.


Dili lamang maluagan ang kaulohan ug ubang mga lugar nga dunay dakung populasyon apan malikayan usab ang paspas nga pagkuyanap sa COVID-19, dugang ni Dela Cruz.

Gikinahanglang magtinabangay ang mga ahensiya sa gobyerno ug ang mga Local Government Units (LGUs) diha sa pagmugna og daghang trabaho aron maagni ang mga anaa sa Luzon karon nga mopauli na sa ilang yutang natawhan.

Malaumon si Dela Cruz nga magmalampuson ang gobyerno diha sa pag-implementar sa ‘Balik-Probinsiya’ program silbing intervention aron ma-disperse ang economic opportunities ug uban pang aspetong pangkalamboan.

RadyoMaN Joel Viray

Facebook Comments