Gipanawagan sa usa ka commissioner sa Presidential Anti-Corruption Commission (PACC) nga i-apil ang korapsyon isip usa sa mga heinous crimes nga mahimong pahamtangan ug silot kamatayon.
Gihingusgan ni PACC Commissioner Greco Belgica nga angayang masilotan ug death penalty ang mga government officials nga mapamatud-ang nalambigit sa korapsyon.
Nakulangan matud pa siya sa mga balaod karon batok sa korapsyon busa aduna pay isog nga mangawat sa kaban sa nasud.
Sumala ni Belgica, ang pag lakip sa korapsyon sa mga krimen nga angay pahamtangan ug silot kamatayon dili lang aron magsilbing “fear factor” sa mga government officials.
Labaw sa tanan, kini matud pa ang maghatag ug hustisya sa nasud nga gikawatan sa mga opisyal niini.
Facebook Comments
