Manukan, ZDN- Patay na nga nakaplagan ang usa ka biktima sulod mismo sa iyang gipuy-an didto sa may Sitio Bugatong, Brgy. Disakan sakop sa lungsod sa Manukan.
Ang biktima mao si Adriano Talad Yorong, 78 anyos nakit-an nga walay na kini kinabuhi sulod sa iyang pinuy-ana sa nahisgutan nga brgy. Sa unahan.
Sa gihimong makuti nga imbitigasyon sa PNP manukan gibutyag sa pag umangkon sa biktima nga si Julius Sumoda Sacome nga miadto kini siya sa balay sa iyang uyoan para magbaid sa iyang sundang, pero natingala siya nga adunay dili maayong baho ang iyang natimahoan gikan sa sulod sa balay sa biktima hinungdan sa walay pagduha-duha iyang gisusi ug didto iyang nakita nga nagkatag na ang mantsa sa dugo ilawom sa balay sa iyang uyoan.
Gisulayan pa niya kini ug abli apan trangkado kini mao nga gilayong gitaho niya sa Brgy. Hall sa Disakan, Manukan.
Sa pagsusi sa patay lawas sa biktima nakita nga aduna kini duha ka bun-og mga duha ka pulgada sa iyang agtang ug gituohan nga maoy hinungdan sa iyang kamatayon.
