Balor P75mil sang droga, nakuha sa 3 ka mga suspek

BACOLOD CITY – 75Mil pesos nga balor sang droga nakuha sa 3 ka mga suspek sa ginpatigayon nga drug buybust operation sang Mayo 7, 2019.

Sa ginpatigayon nga drug buy bust operation sang Police Station 7 sa pagpanguna ni P/Maj.Sherlock Gabana kag Drugs Enforcement Unit sa Prk Hollow Blocks ,Brgy Singcang syudad sang Bacolod, dakup sa akto sanday; James Brisuela, Constancio Advincula kag Johnny Ape, legal ang mga edad sa nasambit nga lugar.

Nakuha sa mga suspek ang 9 ka mga sachets sang ginasuspetsahan shabu, P500 nga marked money, isa ka coin purse, P500 nga cash kag isa ka improvised tooter.


Ginabulubanta nagabug-at sang 5 gramos kag may estimate nga street market value nga P75mil ang balor sang amo nga droga nga nakumpiskar sang otoridad sa mga suspek.

Ang tatlo ang detinado sa karon sa Custodial Facility sang Police Station 7 kag magapangatubang sang kaso sa paglapas sang RA 9165 ukon Comprehensive Dangerous Drugs Act of 2002.

[image: image.png]

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments