Davao City – Tugtan makasulod ug makagamit sa comfort room sa mga babae ug lalake ang mga miyembro sa Lesbian, Gay, Transgender, and Bisexual kun LGBT aron dili sila ma-discriminate.
Pasagdan nga mulapad ang lugar sa paghaom sa kaugalingon sa mga sakop sa LGBT diha sa paggamit og CR panahon nga muandar ang sugo sa lawas aron walay diskriminasyong mahitabo.
Segun ni Presidential Commission for the Urban Poor (PCUP) Commissioner Norman Baloro, dili mamahimong did-an ang mga bading nga makagamit sa CR sa babaye kun ang pagbati niini usa ka matuod nga babaye.
Sumala ni Baloro, katungod sa LGBT nga makapadayag sa kaugalingong pagbati pinaagi sa paggamit og comfort room nga iya sa lalake o sa babaye sanglit wala ma’y nga kasilyas nga gitagana alang kanila.
Gipalanog sa opisyal nga dili nila sayop kung nganong sukwahi ang ilang pagbati gikan sa orihinal nilang gender sanglit wala nila tuyoa nga maghari ang kahuyang ug pagkatigasin sa ilang mga kasingkasing.
Gitindugan sa LGBT advocate nga dakung diskriminasyon alang sa mga sakop sa LGBT kun lakip ang paggamit sa CR hugot usab nga idili ngadto kanila.
Apan ang problema sa sosyedad karon mao ang kadali sa pagtamay sa mga LGBT ilabi na kun musuway og gamit og CR sa babaye o sa lalake.
Alang ni Baloro, panahon na gayod nga mapasar ug hingpit mahimong balaud ang Sexual Orientation, Gender Identity and Expression kun SOGIE Equality Bill aron masanta ang mga tawo nga naga-discriminate sa ilang talagsaong pagkatawo.
RadyoMaN Joel Viray
