Ug tungod ani, nangandam na sab ang team ni Davao City Disaster Risk Reduction and Management Council Head Alfredo Baluran ugali muhatag na og go signal si Mayor Sebastian “Baste” Duterte nga magtunol na og ayoda sa mga lungsod nga giig-an og kalamidad hatud sa baha isip epekto sa low pressure area nga una nang nasiplatan sa Hinatuan, Surigao del Sur niadtong miaging mga adlaw.
Kamatooran ani, giprepara na usab sa buhatan ni Baluran ang gikinahanglang mga dokumento nga gamiton sa asistinsiya nga ihatag ngadto sa mga lungsod ug probinsiya nga gihampak og kalamidad.
Apan giingon ni Baluran nga walay relief goods ang ilang itunol inay kwarta ug direktang ihatag sa probinsiya ug sa mga lokal nga panggamhanan.
Gipasabot niini nga subay sa ilang kasinatian, dunay biktima sa kalamidad dinoble ang nadawat nga relief goods butang nga dili na buot mahitabo pag-usab sa kagamhanang lokal.
Dugang pa nga mas nahibawo sab ang mga LGU’s kon unsa kadtong mas hinanaling panginahanglanon sa ilang mga constituent.
Nasayran, ang provincial government makadawat og usa ka milyon ka pesos, ang siyodad tunga sa milyon, samtang ang mga munisipalidad 300 thousand pesos.
Dugang batbat pa ni CDRRMO Head Alfredo Baluran muagi pa hinoon sa konseho ang pag-apruba sa pondo nga gamiton sa ayoda sa mga biktima sa kalamidad.
RadyoMaN Joel Viray
