Davao City – Nakaplagang patay ang usa ka Male Pygmy Sperm Whale sa adlaw’ng Dominggo, July 28, 2019, sa buntag sa may gina-construct nga Coastal Road sa Matina Aplaya ning syudad.
Sa Facebook Post ni Darrell Blatchley, usa ka Davao City-based American marine biologist ug Presidente sa D’ Bone Collector Museum Inc., dunay gitas-on nga tulo ka metros ug kapin 200 kilos ang kabug-aton ang maong aquatic mammal.
Atol sa necropsy, dehydrated ug barado ang tina-e niini gumikan sa mga basurang nakaon niini sama sa plastic cup ug lubid sa nylon.
Nasayran nga kini ang na ang ika-limang aquatic mammal nga napalgan sa syudad ug namatay tungod sa basura.
Gani subling gimahay ni Blatchley ang pagpasagad og labay sa katawhan og basura diha sa kadagatan.
RadyoMaN Jason Amisola
