BACOLOD CITY – Madasig nga nagpalagyo ang 37 anyos bana matapos nadakpan ini sa akto sang iya 32 anyos nga asawa nga nagahulid sa iya 33 anyos nga kulukadidang.
Ang lalaki, isa ka kontraktor ang ginatawag gid lamang kay Rodrigo (indi matuod nga pangalan) ang ginasiling may ara sang relasyon sa babaye nag may ara man sang 9 ka tuig nga bata kag wala sang bana.
Pahayag sang asawa nga madugay na niya namutikan nga may iban ang iya bana kag sa ulihi iya nahibaluan nga ang babaye ang naga-istar sang Barangay Taculing.
Nagdesisyon ini nga magsulong sa balay sang kerida kaina sang kaagahon kag iya naaktuhan nga nagahulid ang duha.
Nakit-an nya naman nga nagdali dali palagyo ang iya bana suksok ang short palayo sa lugar.
Bangod kay nagsinggitanay na halos magguramusay ang duha, ini sila ang ginpangdala sa Police Station 6.
Ang mag-asawa ang may ara sang 11 anyos nga bata kag masobra na 12 anyos na nga nagaupod bilang mag-asawa.
Para kay PCInsp. Jovil Sedel sang Police Station 6, dapat ginkuhaan sang video sang asawa nga akto sini nakit-ang nga nagahulid ang duha para ma-establish nga may ara sang pagluib nga natabo para mafile ang kaso nga concubinage.
