Davao City – Pirting bun-uga sa usa ka mister human kulataha sa iyang misis tungod lamang sa Facebook.
Gumikan sa bun-og gilayon nagpatambal sa Southern Philippines Medical Center (SPMC) si alyas Roger, 37-anyos, ug nagpuyo sa Buhangin ning siyudad.
Human nakakuha og medical certification midiretso og dangop sa Buhangin PNP si alyas Roger aron ireklamo ang iyang misis nga si alyas Lydia, 39-anyos.
Nagsugod matud pa ang panaglalis sa mag-asawa dihang gikantiyawan ni Roger si Lydia nga dako’g kaon ug tambok samtang anaa sila sa panimay sa paryente buntag sa miaging adlaw.
Ang nagpa-ulbo sa kasuko sa ginang mao ang iyang nadiskubrehan nga daghang babaye nga nag add request sa facebook sa biktima.
Ug mas napungot si Lydia sa nakapost nga mensahe nga nagkanayon nga tambok ug dako kini’g kaon.
Tungod sa maling sirkumstansiya, wala mapugngi sa maong ginang ang pagpangulata ngadto sa iyang asawa.
Ang kapulisan mitambag kang Roger nga ipadangat una sa barangay level ang reklamo aron didto husayon ang ilang nalamaan na nga relasyon.
RadyoMaN Joel Viray
