Bana ginpatay ang asawa bangod sa pangimon

1098

SAGAY CITY, NEGROS OCCIDENTAL – Nangin biktima na naman sang makamamatay nga selos ukon pagpangimon ang isa ka asawa matapos ini ginbuno kag napatay gid sang iya bana sa ciudad sang Sagay.

Ang biktima ginkilala kay Robeleza Albarico, 37 anyos ang edad pumuluyo sang Brgy. Old Sagay sang amo nga ciudad, samtang nakilala naman ang suspek nga bana sini nga amo si Roel Albarico.

Suno sa pagpangusisa sang Sagay City PNP, ginsiling sang bana na wala na niya napunggan ang iya kaugot ilabi na sa masami nga pag-guwa sang iya asawa.


Siling pa sang suspek nga nahibaluan niya nga may iban nga lalaki ang iya misis gani na-impito ini kag iya nabuno ang iya asawa nga nag-angkon naman sang malubha nga pilas sa iya lawas.

Sa karon detained na sa Sagay City Police Station ang suspek nga bana./dyHB BACOLOD

Facebook Comments