Davao City – Patay ang usa ka lalaki samtang samdan ang asawa niini atol sa nahitabong shooting incident sa Purok Anibongan, Barangay Holy Cross, Manay, Davao Oriental adlawng Lunes alas-7:30 sa kagabhion.
Base sa rekord sa Manay MPS, biktima naila sa pangalang Noli Longyapon Segundo, 47 anyos kuyog ang iyang misis nga si Roselle Gandong Segundo samtang ang suspek nga pulos mag uuma mao sila si Pedadolfo Panoda Longyapon, 56 anyos nga taga Purok Catagbakan ug Tata Longyapon nga taga Purok Bunga sa nasangpit nga barangay sa crime scene.
Matod pa kalit niduol ang suspek kang Noli dayon gipusil kini gamit ang improvised shotgun sa mga suspek igo sa iyang tuo nga bahin sa iyang dughan ug abaga hinungdan sa iyang kamatayon.
Sa dihang tabangan unta kini sa iyang misis gibato kini ni Longpayon hinungdan sa pagkaangol sa tuo nga bahin sa iyang ulo.
Human sa insidente ang mga suspek daling misibat sa wala na matino nga direksyon.
Kapulisan sa Manay padayon naglusad og imbestigasyon kalabot sa maong insidente.
RadyoMaN Abi Bibera
