General Santos City – Dead on arrival sa Gensan Medical Center sa Barangay Calumpang ang bana nga security guard human gipusil sa wala mailhing suspek samtang kini nagdula og playstation sulod sa ilang gipuy-an alas-8 pasado ang takna adlawng Dominggo (July 26, 2020).
Sa inisyal nga imbestigasyon gipagawas sa Police Station 7 Fatima sa pagpanguna ni Police Captain Helbron Okuren, giila ang biktima sa pangalang LD Marl Baylsis, 32 anyos, minyo, head guard sa Alsons Security Agency og residente sa Purok 28, Barangay Fatima ning siyudad.
Dugang imbestigasyon sa kapolisan, nagdula matod pa og playstation ang biktima sa kusina nga bahin sa panimalay dihang gisulod sa wala mailhing suspek dayon gipusil ang biktima.
Nakaangkon og samad pinusilan igo sa agtang ug duha ka samad sa walang bahin sa dunggan ang biktima hinungdan sa iyang pagkamatay.
Samtang nakarakober ang kapolisan og mga basyo sa .45 caliber pistol didto sa crime scene nga gituohang gigamit sa suspek sa maong krimen.
Padayon ang pagkalap og impormasyon ang kapolisan aron ilhon ang suspetsado sa krimen.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: IMG_20200727_072227.jpg]
