Davao City – Arestado sa Talomo Police Station ang usa ka Jose Absastad, 49 anyos, taga Sitio Felomina Brgy. Catalunan Pequeño, human gireklamo sa kabanay tungod sa iyang pagka abusado ingon man dunay kasong paglapas sa RA 9262.
Sa report, ala-1:30 ang takna sa hapon dihang girespondehan kini sa Talomo PNP ug naabtan nga grabe ka hubog ang respondent.
Miaksyon sa pagkisi-kisi ang suspect hinungdang giposasan kini ug misulay pa sa pag-ilog sa armas ni Police Senior Master Sergeant Saberon apan swerteng napugngan.
Pag-abot sa presinto, nagwild pag-ayo ang dinakpan ug naghuramentado ug sa dihang gitanggal na ang posas, gilayong gipangsumbag ang kapolisan apil na mga piniriso sa selda nga miresulta sa kagubot.
Tungod niini gidala sa Southern Philippines Medical Center (SPMC) ang suspetsado aron ipailawom sa liquor test.
RadyoMaN Paul Canono
