Bana nga giingong gibuwagan sa asawa,nagsunog sa kaugalingun sa Purok 8 Brgy. Kamputhaw

Tulo ka mga panimay ang hingpit nga naugdaw sa sunog nga niigo sa Purok 8 Brgy.Kamputhaw dakbayan sa Sugbo.

Ang sunog gituhuang nagsugod sa panimay ni Alex ‘Buddy” Sanchez , 51 anyos , nga giingong nagsunog sa kaugalingun sud sa iyang panimay.

Matud sa pag-umangkon ni Sanchez nga si Alecitas Rabong nga ang iyang uyuan nihulga sayo kaganihang buntag nga magpakamatay ug pagka alas 9:23 ganihang buntag niulbo ang sunog nga gituhuang didto nagagikan sa kwarto ni Sanchez.

Gisaysay ni Alecitas nga ang biktima ,naglock sa iyang kwarto hinungdan nga wala nila mabantayi kon unsay gihimo sa sulod sa iyang lawak.

Giingong si Sanchez naguol human gibuwagan sa iyang asawa.

Mohimo pa og dugang imbestigasyon ang kabomberuhan sa insidente.