Dali nga gidala sa balay tambalanan ang biktima sa pagpangdunggab didto sa may brgy. Dalangin, lungsod sa Titay, Zamboanga Sibugay.
Usa sa biktima mao si Rennie Obdamin y Bantillo, 30 anyos, menyo, nga kung diin ang giluba kini siya sa iyang asawa nga si Jessa Obdamin y Baro, ang duha pulos molupyo sa nahisgutan nga dapit.
Sa gihimong pag imbistiga sa kapulisan nasayran nga ang biktima naka inom kini ug agua de pataranta nga miresulta sa ilang panaglalis sa iyang asawa hinungdan nga wala naka agwanta ang asawa niini, mikuha kini ug kutsilyo dayong luba sa makadaghan nga higayon.
Samaran ang biktima sa iyang tiyan nga miresulta sa serious physical injuries, unom ka samad nilubaan ang naangkon sa biktima ngadto sa iyang asawa.
Matod pa sa suspek nga daw wala siya sa iyang kaugalingon niadtong higayona human sila naglalis sa iyang bana. Hinuon dali siya nga mitahan sa iyang kaugalingon ngadto sa kapulisan sa Titay.
