Maswerte nga wala maglapta ang kalayo matapos nga ginhungod sunug sang hubog nga bana ang ila kaugalingon nga balay kasunod sang pag-away nila sang iya asawa.
Nauna nga nag-away ang mag- asawa sang nagpauli ang bana nga hubog tubtob naglab-ot sa pagba- isay nga nagresulta sa pagpanakit sini sa iya asawa. Sa tuman nga pagaka-aborido ginsindihan sang bana ang kurtina sa diin gilayon nag- ibwal ang kalayo sa sulod sang balay.
Bangud sa pagbinuligay sang mga kasilingan, gilayon nga natapna ang paglapta sang kalayo sa mga katupad balay kag gilayun man nga nagpalagyo ang bana.
Natabo ang insedinte sa Brgy. Caingin sa Distrito sang La Paz pasado alas 6 kagab-i.
Sa pihak sini plano sang asawa kag sang pamilya nga kasohan ang bana bangud sa halit nga ginhimo niya sa ila panimalay kag pakastigo sa iya asawa.
