Davao City – Hustisya ang singgit sa bana sa online seller, human gidunggab patay alas 7:00 sa gabii, March 31, 2024 sa Quimpo Boulevard, Davao City.
Sa pakighinabi sa DXDC RMN Davao kang Noel Rosales, bana sa biktima gisulti niya, iyang gipanawagan sa mga suspect nga motahan sa kaugalingon ngadto sa tinugyanan sa balaud.
Segun ni Rosales, maglisud pa siya og dawat sa gidagangatan sa iyang asawa human brutal nga gipatay pinaagi sa pagdunggab.
“Mensahe nako sa mga suspect nga nagkutlo sa kinabuhi sa akong asawa mag-surrender namo kay dili lalim mawad-an og asawa… unsay sala sa akong asawa ngno inyo man gipatay”, sulti ni sa bana.
Nagpadayon usab ang imbestigasyon sa kapulisan sa Davao City Police Office (DCPO), sumala ni Police Captain Hazel Tuazon, tigpamaba sa DCPO giingon niya, ginasubay pa ang mga angulo, ingon man ang identity sa mga suspetsado.
RadyoMaN Don Pulayao
Facebook Comments
