Davao City – Mipatala sa kwerpo sa kapulisan ang usa ka bana human mikuyog ang iyang pinakaslang asawa sa ilang silingan niadtong bisperas sa bag-ong tuig.
Sa blotter sa Talomo PNP, ang bana nga si alyas Tony, 57 anyos, musician, nagpuyo sa SIR New Matina, Davao City, nipatala kay buot niyang ipaklaro nga og unsay mahitabo sa kabit sa iyang asawa limpyo ang iyang konsensya tungod kay wala siya’y kalagot ug pagdumot niini.
Gibutyag ni alyas Tony nga ang iyang asawa nga si Alyas Joan, 27 anyos, mikuyog sa iyang kabit niadtong Disyembre 31, 2017.
Gidugang ni alyas Tony nga dawat na niya ang gidangatan sa iyang kaminyoon ug ‘sport lang’ kuno siya sa kabit sa iyang asawa ingun man buot niya kining ma-rekord sa kapulisan.
RadyoMaN Erin Lumosbog
Facebook Comments
