Davao City – Wala na makapugong sa kaugalingon ang usa ka misis ug iya gayod nalubaan ang iyang bana gumikan sa punay og paghubog-hubog niini alas 11:30 ang takna sa kagabhion.
Sumala sa anak sa magtiayon nga si Pingping, gidunggab sa iyang mama ang iyang amahan nga si Aldones Picar, 45 anyos human miuli kini nga hubog napud taliwala sa walay hunong nga pagbuyag sa iyang inahan nga undangon na ang pag-inum og bino apan wala matud pa kini maminaw ug padayon gihapon sa bisyo.
Hinungdan nga napuno ug naputong na matud pa ang ginang mao mikuha kini og kutsilyo dayon giluba ang biktima nga nahitabo sa ilang balay sa Brgy. San Antonio, Agdao ning dakbayan.
Daling gidala sa Southern Philippines Medical Center (SPMC) ang biktima ug sa pinaka-ulahi nga medical bulletin luwas na sa kuyaw nga kahimtang ang biktima.
RadyoMaN Joel Viray
