Davao City – Andam na ang mga partisipante sa Banda Dasig competition nga ipahigayon karong adlawa, Disyembre 22, 2018 diin kini usa sa mga dagkong aktibidad sa Pasko Fiesta sa Davao karong 2018.
Sa pakighinabi sa DXDC RMN Davao kang Generose Tecson ang head sa City Tourism Office, gibutyag niini nga ubay-ubay ang miapil sa maong kompetisyon karon nga tuig diin anaa sa 22 ka mga partisipante sa elementary division ug 11 sa open division.
Matud pa ni Tecson nga magsugod ang parada sa mga banda alas-5:30 sa hapon diin ang first stop niini diha sa atubangan sa usa ka dakong hotel sa may Roxas Avenue ug sa hotel sa may Camus street ning syudad diin mahitabo usab ang final showdown sa Rizal Park ning dakbayan sa Davao.
Gibutyag ni Tecson nga mag-uli ang i-deklarang kampeon og cash prize nga P150,000, samtang P100,000 sa 1st runner up ug P75,000 sa 2nd runner up.
Pahimangno usab ni Tecson sa publiko nga planohon daan ang mga lakaw tungod sa laumang traffic sa maong oras labi na sa rotang agi-an sa maong aktibidad.
RadyoMaN Kirby Manzon
