Naghalf-mast ang bandera sa Pilipinas sud sa Police Regional Office -7 headquarters sa Camp Sergio Osmeña , subay sa kamatayon sa polis nga si PO3 Eugene Alcain Calumba.
Si Calumba napusilan –patay sa drayber ni Tejero Barangay Kapitan Jessilou Cadungog kagahapon sa maong barangay.
Unang gipasanginlan si Calumba nga nisuway pag-ambush sa sakyanan ni Cadungog hinungdan nga giunhan kini sa pagpusil sa drayber sa Konsehal nga si William Macaslang.
Apan si Police Regional Office -7 Director , Chief Supt . Debold Sinas nipasabot nga si Calumba adunay gihimo nga lehitimong surveillance ug maoy biktima sa pagpamusil sa drayber ni Cadungog .
Si Calumba sakop sa Drug Enforcement Unit sa Parian Police Station .
Luwas hinoon ug wa maunsa ang nagmaneho sa motorsiklo nga maoy gisakyan ni Calumba sa dihang kini gipusil .
