Pormal nang mideklara sa ilang kandidatura ang Solid 15 nga magpapili isip mga opisyal sa Iligan sa umaabot nga Eleksyon 2022.
Gipangunahan ang maong bando nila ni Congressman Frederick Siao kinsa magpapili isip Mayor, kanhi Congressman Vicente Varf Belmonte nga magpapili isip Congressman ug si Marianito Dodong Alemania nga magpapili isip Bise-Mayor.
Gilangkuban kini sa ilang mga konsehal nga sila si Atty. Betsy Zalsos, Simplicio Larrazabal, Samuel Huertas, Rene Orbe, Eric Capitan, Marlene Young, Maria “Esay” Go Minaga, Rosevi Queenie Belmonte, Bernard Pacaña, Providencio Abragan Jr., Michelle Sweet ug Ramil Emborong.
Adunay plataporma ang matag kandidato kun sila pili-on sa katawhan sa Iligan sama sa Panglawas, Edukasyon, Ekonomiya, Turismo, Transportasyon, Komuniskasyon, Panginabuhi-an, Patubig ug uban pa.
Usa usab sa lantawon sa hugpong ang pagtubag sa Pandemic sa Covid-19 dinhi sa dakbayan sa Iligan.
Sa tunga-tungag semana sa October pormal nga mo-file sa ilang Certificate of Candidacy o COC ang mga kandidato sa bado Solid 15.
