Nagapati si Mayor Jesry Palmares sang Passi City nga naka-druga ang suspek nga si Harley Cordada sa paglugos kag pagpatay sa walo ka tuig nga biktima sang nakaligad nga gab-i sa Barangay Sarapan, Passi city.
Suno kay Mayor Palmares nga indi lamang basta hubog sa ilimnon ang suspek kundi posible nga bangag pa ini sa ilegal nga druga bangud sa brutal nga pagpatay sa biktima.
May kaangtanan sini, ginpat-od sang alkalde nga hatagan sang hustisya ang kamatayon sang biktima.
Suno sa iya nga siguruhon niya nga mapasakaan gid ini sang kaso kag mas maayo kon masentensyahan ini sang life imprisonment agud indi na makahimo liwat sang kasubong nga krimen.
Tags; Visayas, Iloilo City, Iloilo, Rmn Iloilo, DYRI774, Sonny S. Punay
Facebook Comments
