Molave, Zamboanga del Sur –
Duha ang patay sa nahitabong aksidente sa kadalanan alas 3:30 kagahapon dihang dapita sa National Highway, Brgy. Blancia, lungsod sa Molave, Zamboanga del Sur.
Dead on the spot ang driver ug backrider sa Honda wave human nabangga sa kasugat niini nga Kawasaki Motorcab.
Giila ang namatay nga sila si Pia Sayson, 27 anyos lumulupyo sa Lourmah, Mahayag, Zamboanga del Sur ug Jordan Patangan, 17 anyos residente sa Dampalan, Sergio Osmenia, Zamboanga del Norte.
Sa imbestigasyon sa Molave PNP, gimaniho ni Jordan ang naasoy nga motorsiklo paingon syudad sa Ozamis dihang nisulay kini pag-una sa gisundan nga motorsiklo aksidente nga nibangga sa kasugat nga Kawasaki Motor Cab nga gimaniho ni Edmundo Manigo 60 anyos, residente sa Tungawan, Tambulig , Zamboanga del sur.
Gipangita pa hangtud karon si Manigo kay nisibat kini human sa hitabo.
