Nakalab-ot na sa palasyo sang Malakanyang ilabi na sa Office of the President ang bangigay nanday Mayor Joe Espinosa III kag City treasurer Jinny Hermano.
Ini may kaangtanan sa pagpakatig-a ni Hermano nga magrelease sang pondo para sa suweldo sang mga job hires nga halos tatlo ka bulan na nga wala ma-suwelduhan.
Ginmanduan na ni Presidente Rodrigo Duterte ang Departmentg of finance nga magpatunga sa nasambit nga problema sa City government.
Si Bureau Of Local Government finance acting Regional Director Gilbert Gumabay ang ginmanduan sang DOF nga magpatunga sa magtimbang nga bahin.
Suno kay Gumabay nga sapulon niya sanday Espinosa kag Hermano kag pangitaan sang solusyon ang problema santu sa nasaad sa kasuguan kon sa diin iya hibaluon kon bala may balasehan ang panindugan sang City treasurer nga indi mag-release sang pondo bangud wala sang budget ang siyudad para sa mga ginpangkuha nga job hires ni Mayor Espinosa.
