Bangka nagkapan, pasahero na rescue

23

Na-rescue ang 15 ka mga pasahero sang nagkulob ang ila ginasakyan nga pumpboat sa syudad sang Sagay, kahapon sang hapon.

Halin sa Old Sagay Port ang amo nga sakayan kag magapadulong kuntani sa Carbin Reef, apang paglabay sa area sang Sagay Marine Reserve, ang pumpboat ang ginhampak sang mabaskug nga balod.


Lakip sa mga pasahero sang sakayan ang anum ka bata, isa ka senior citizen kag isa ka PWD.

Safe nanan ang tanan nga pasahero kag duha ka crew sang sakayan matapos nga madasig nga na-rescue sang Philippine Coast Guard, City Disaster Risk Reduction and Management Office, Sagay Ferry Boat Association.

Suno kay Sagay City Mayor Alfredo Marañon III nga makabig nga isolated ang amo nga insidente sa diin ila gin-himo ang tanan agud nga ma-rescue ang tanan nga pasahero kag mangin madasig ang pag-responde ang kaangay sini nga emerhensya.

[image: image.png]

Facebook Comments