Sa interview sa DXDC RMN Davao kang Eduardo Canonio, personahe sa Municipal Disaster Risk Reduction and Management Office (MDRRMO) San Isidro, iyahang gisulti nga sukad Lunes, November 4, 2024 walay undang ang pagpangita sa coast guard personnel sa maong lalaki nga katapusang nakit-an sul-ob ang itom nga sinina. Nasayrang nakit-an na ang bangka nga gigamit sa maong lalaki daplin sa baybay.
Sa impormasyon sa kabanay, duna matud pay ginahambin nga balatian ang maong lalaki nga ilahang gituohan o posibleng rason nganong kini na-missing.
“Ang istorya, high blood daw ‘to ang (lalaki). Basin nahagbong sya pagkahitabo. Ulitawong guwang daw ‘to, wala gyud ‘to naminyo. Ang iyang sakyanan naabot gyud sa baybay pero wala na ang tag-iya nga nagamit. Mao ‘to nawala na,” saysay ni Canonio.
Sa pagkakaron, gialerto na sab ang mga Coast Guard sub-station sa Davao Oriental nga gilayong ireport kung makit-an ang maong mananagat kansa pamilya gikabalaka ang maong panghitabo.
RadyoMaN Kirby Manzon
