EB MAGALONA, NEGROS OCCIDENTAL – Nagapabilin karon nga Mr. X ang isa ka bangkay sang lalaki ang nasapwan sa higad sang dalan sa tunga sang boundary sang Had. Gustilo kag Had. Baga-as sa Brgy. Tabigue, banwa sang EB Magalona may mga las 8:50 kagab-i.
Ang bangkay sang amo nga Mr. X, naga-suksok sang puti nga sando, gray nga short pants kag ginabulubanta naga-edad 30 anyos, may kataason nga 5 feet.
May tattoo man ini sa iya abaga kag may pulseras nga borloloy sa iya isa ka tiil.
Suno sa EB Magalona Municipal Police Station ang biktima nasapwan nga nagahamyangon sa kilid sang dalan, may higot sang strawless ang kamot kag tiil kag may duha ka igo sang bala sa ibabaw nga bahin sang iya likod.
Na-recover sa scene of the crime ang isa ka pares sang itom nga tsinelas kag isa ka slug sang wala mahibaluan nga kalibre sang armas.
Angut sini, natalana nga ginpaidalum sa post mortem examination ang bangkay sang amo nga biktima./dyHB BACOLOD
