Isa ka bangkay ang nasapwan sa higad sang highway sa Bitaog taytay sakop sang Banwa sang Sta. Barbara, Iloilo subong lamang ngagabv-i (June 8).
Ang nasambit nga bangkay isa ka lalaki kag nakasuksok sang maroon nga T-shirt kag light brown nga shorts kag may duct tape sa iya kamot.
Ginpahayag nga antis nasapwan ang bangkay sang lalaki, nakabati ang mga pumuluyo sang tatlo ka asud-asud nga lupok.
May pilas sa ulo kag li-og ang wala pa makilala nga biktima.
Nakita man sa ginluntaran sang insidente ang isa ka bajaj motorcycle nga wala sang plaka nga ginapatihan ginapanag-iyahan man sang biktima.
Padayon pa nga gina-imbestigahan sang mga otoridad ang nasambit nga insidente kag kon sin-o ang biktima.
Facebook Comments
